GURITKU

GURIT

DENOK-DENOK DEBLONG

Tak lelo lelo lelo ledung

Ayu rupane, anake rama lan biyung

Anugrahe gusti kang maha agung

Aja nganti gawe rama lan ibu bingung

Aja adigang adigung adiguna

Keda sira gawe senenging wong tuwa

Tansah gawe kuciwa

Aja sok sumbar marang wong liya

Saged jaga diri pribadi

Kedah saged bisa ngabekti

Boten wonten rasa iri lan drengki

Sing ana mung sabar lan tulus ing ati

Tak gadang bisa urip mulya

Dadia wanita utama

Ngluhurake asmane wong tuwa

Benerke apa sing wis cidro

Dadi wong sing dipercaya

Piguna mring nuswa lan bangsa

Anakku denok deblong

Aja sira dek sura

Ngaku luwih pinter tinimbang sejene

Sebab iku piwulang kang ora becik

Ora patut digugu

Ora patut ditiru

Aja seneng mamerake bandha

Aja seneng ngunggulake pangkat

Sebab bandha bisa lunga

Pangkat bisa oncat

Duh anakku

Aja lali piwulang becik

Dadia anak sing apik